Malen, Maguire, Rashford, Greenwood, Yoro, Eriksen og fleiri góðir í slúðri dagsins
   þri 25. apríl 2017 15:15
Magnús Már Einarsson
Stórir leikir á Laugardalsvelli í sumar?
Fáum við risaleiki á Laugardalsvelli í sumar?
Fáum við risaleiki á Laugardalsvelli í sumar?
Mynd: Fótbolti.net - Hafliði Breiðfjörð
Erlendir aðila hafa sýnt áhuga á að leigja Laugardalsvöll fyrir alþjóðlega leiki í sumar. Þetta kemur fram í fundargerð stjórnar sambandsins.

Ekki hefur verið greint frá því um hvaða erlenda aðila er að ræða en ekki er ólíklegt að þar séu á ferðinni stór félög.

„Rætt um áhuga erlendra aðila að leigja Laugardalsvöll fyrir alþjóðlega leiki sumarið 2017. Formanni og framkvæmdastjóra falið að ræða við vallarstjórn Laugardalsvallar um málið," segir í fundargerðinni.

Fótbolti.net spurði Klöru Bjartmarz framkvæmdastjóra KSÍ út í málið í dag en hún sagðist ekki mega tjá sig meira um það að svo stöddu.

Stór félög í fótboltanum hafa leikið æfingaleiki á Norðurlöndunum undanfarin ár. Til að mynda mættust Barcelona og Leicester í Svíþjóð síðastliðið sumar auk þess sem Liverpool mætti HJK Helsinki í Finnlandi árið 2015.
Athugasemdir
banner
banner
banner
banner