Í kvöld mun Bayern München taka á móti Borussia Dortmund í undanúrslitum þýska bikarsins þar sem leikið verður til þrautar. Leikurinn verður 18:45.
Sigurliðið mun mæta Eintracht Frankfurt í úrslitum en Frankfurt vann Borussia Mönchengladbach í vítaspyrnukeppni í gær.
Staðan að loknum venjulegum leiktíma var 1-1. Taleb Tawatha kom Frankfurt yfir en Jonas Hofmann jafnaði.
Ekkert var skorað í taugastrekkjandi framlengingu og vann Frankfurt svo 7-6 sigur í vítaspyrnukeppni.
Það ræðst í kvöld hvort af stórliðunum mun mæta Frankfurt í úrslitaleiknum sem verður þann 27. maí.
Athugasemdir