Ítalski þingmaðurinn Antonio Razzi segir að Kim Jong-un, leiðtogi Norður-Kóreu, sé mikill aðdáandi ítölsku úrvalsdeildarinnar í fótbolta þökk sé áhrifum Kwang-Song Han í landinu.
Hinn 18 ára gamli Kwang-Song Han varð fyrsti Norður-Kóreumaðurinn til að skora í Seríu A þegar hann kom boltanum í netið fyrir Cagliari gegn Palermo í byrjun þessa mánaðar.
Hinn 18 ára gamli Kwang-Song Han varð fyrsti Norður-Kóreumaðurinn til að skora í Seríu A þegar hann kom boltanum í netið fyrir Cagliari gegn Palermo í byrjun þessa mánaðar.
Razzi greini frá því að Kim Jong-un, sem er vægast sagt umdeildur, fylgist ekki aðeins með sínum manni heldur deildinni í heild sinni. Ítalíumeistarar Juventus eru mjög vinsælir í Norður-Kóreu.
„Fylgist hann með ítölskum fótbolta? Að sjálfsögðu, hann veit allt um Seríu A og NBA-körfuboltann," sagði Razzi.
„Ef Juventus væri að spila á Pyongyang-leikvanginum, sem er risastór, þá myndi hann fyllast."
Athugasemdir