Arnór Ingvi hjálpaði sínu liði að komast í úrslitaleikinn.
Arnór Ingvi Traustason og félagar hans í austurríska liðinu Rapíd Vín eru komnir í bikarúrslit þar í landi.
Þeir mættu Lask Linz í undanúrslitum í kvöld og unnu að lokum eftir mikla dramatík þar sem tvö mörk komu í uppbótartíma.
Þeir mættu Lask Linz í undanúrslitum í kvöld og unnu að lokum eftir mikla dramatík þar sem tvö mörk komu í uppbótartíma.
Arnór Ingvi spilaði allan leikinn, en hann er á sínu fyrsta heila tímabili hjá Rapíd Vín. Þangað var hann keyptur fyrir metfé síðasta sumar.
Í kvöld fór þannig að Rapid Vín hafði betur eftir tvö mörk í uppbótartíma. Sigurmark Rapid Vín kom á 93. mínútu.
Rapíd Vín er sigursælasta félagið í sögu Austurríkis og þekkir það vel að vera í bikarúrslitum. Gengi liðsins í deildinni á tímabilinu hefur valdið vonbrigðum, en bikarinn bætir það að einhverju leyti upp.
Rapid Vín mun mæta Red Bull Salzburg í úrslitum og það er deginum ljósara að það verður erfiður leikur.
Arnór Ingi var að sjálfsögðu ánægður með að vera kominn í úrslitaleikinn og sagði frá því á Twitter.
FINALE💚💚
— Arnór Traustason (@NoriTrausta) April 26, 2017
Athugasemdir
