Þýska úrvalsdeildin heldur áfram um helgina en nú verður 31. umferð deildarinnar spiluð. Umferðin hefst í kvöld með leik Leverkusen og Schalke.

Á morgun verða spilaðir sex leikir. Dortmund tekur á móti Köln og þá mun Leipzig fá Ingolstadt í heimsókn.

Síðasti leikur morgundagsins verður leikur Wolfsburg og Bayern Munchen en Bayern getur tryggt sér þýska meistarartitilinn enn eitt árið í leiknum. Tapi Leipzig stigum og Bayern vinnur er titillinn þeirra.

Alfreð Finnbogason og félagar í Augsburg mæta Hamburg á sunnudag í gífurlega mikilvægum leik. Hamburg er í 15. sæti deildarinnar með 33 stig, en Augsburg er sæti neðar með stigi minna.

16. sæti deildarinnar er umspilssæti um fall úr deildinni og því er mikið undir fyrir bæði lið.