Óvíst er hver verður við hlið Damir Muminovic í hjarta varnarinnar hjá Breiðabliki í fyrstu umferð Pepsi-deildarinnar gegn KA á mánudaginn.
Elfar Freyr Helgason er á láni hjá Horsens en hann er mögulega á heimleið. Viktor Örn Margeirsson átti að fylla skarð Elfars en hann hefur verið meiddur.
Elfar Freyr Helgason er á láni hjá Horsens en hann er mögulega á heimleið. Viktor Örn Margeirsson átti að fylla skarð Elfars en hann hefur verið meiddur.
„Við erum í smá basli með Viktor. Hann er rétt að byrja að æfa og hefur æft nokkrar æfingar. Hann hefur ekki mikið verið að spila og það verður að koma í ljós hvernig við stillum upp liðinu á mánudag," sagði Arnar Grétarsson, þjálfari Breiðabliks en hvaða aðra kosti hefur hann í vörninni?
„Við erum með unga stráka en mótið kemur kannski full snemma fyrir þá. Þetta eru mjög efnilegir strákar. Við erum með mikið safn af góðum miðjumönnum. Það getur vel verið að einhver af þeim fari í vörnina. Það verður bara að koma í ljós."
Leikurinn gegn KA hefst klukkan 17:00 á Kópavogsvelli á mánudag.
„KA er með frábært lið. Ég held að það skipti ekki máli á hverjum þú byrjar. Þetta eru allt erfiðir leikir. Við förum allt í fyrstu leikina í smá óvissu. Menn eru að fóta sig á grasi og svoleiðis. Það lið sem leggur sig meira fram og hlutirnir falla fyrir, það sækir stig í fyrstu umferðunum," sagði Arnar.
Hér að ofan má sjá viðtalið í heild sinni.
Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!
Athugasemdir