Crystal Palace og Burnley mættust í síðdegisleik ensku úrvalsdeildarinnar, leiknum er nú ný lokið og þar hafði Burnley betur með tveimur mörkum gegn engu.

Á 8. mínútu leiksins kom Ashley Barnes gestunum í Burnley yfir eftir sendingu frá bakverðinum Stephen Ward.

Andre Gray kom inn á sem varamaður í seinni hálfleik og skoraði annað mark Burnley á 85. mínútu.

Þetta var fyrsti útisigur Burnley á tímabilinu og með sigrinum eru þeir nánast öruggir með sæti sitt í ensku úrvalsdeildinni, með 39 stig. Jóhann Berg kom ekkert við sögu hjá Burnley í dag.

Crystal Palace er sjö stigum frá fallsæti og sitja í 16. sæti ensku úrvalsdeildarinnar.