Það var grannaslagur í Rómarborg á Ítalíu í hádeginu. Roma mætti þá nágrönnum sínum og erkifjendum í Lazio á Stadio Olimpico.

Lazio komst strax yfir á 12. mínútu þegar kantmaðurinn öflugi Balde Keita kom boltanum í netið. Daniele De Rossi náði að jafna rétt fyrir leikhlé úr vítaspyrnu og staðan í hálfleik var 1-1.

Í upphafi seinni hálfleiks kom Dusan Basta Lazio aftur yfir og þegar fimm mínútur voru eftir af venjulegum leiktíma gerði Balde Keita út um leikinn með sínu öðru marki, lokatölur 3-1.

Þessi sigur hjálpar Juventus mikið, en eins og staðan er núna er Juventus með níu stiga forskot á Roma,
sem er í öðru sæti, þegar fjórir leikir eru eftir. Lazio er í fjórða sæti með 67 stig.