Gylfi Sigurðsson var að vonum sáttur eftir að hafa tryggt Swansea dýrmætt stig á Old Trafford gegn Manchester United í ensku úrvalsdeildinni í dag.
Wayne Rooney hafði komið heimamönnum yfir með marki af vítapunktinum áður en Gylfi jafnaði metin þegar stundarfjórðungur var til leiksloka með glæsilegu aukaspyrnumarki en hann hefur skorað á Old Trafford í síðustu þremur leikjum sínum þar.
„Það hefur gengið vel hérna undanfarin þrjú ár og ég hef skorað í hverjum leik," sagði Gylfi við BT Sport en hann var valinn maður leiksins.
„Þetta var mikilvægt mark og þetta gæti reynst stórt stig í lok tímabils."
Athugasemdir