Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   fös 19. maí 2017 23:13
Mist Rúnarsdóttir
Gummi Guðjóns: Eitthvað extra sexý við Pepsi
Gummi var ánægður með frammistöðu sinna leikmanna þrátt fyrir tapið
Gummi var ánægður með frammistöðu sinna leikmanna þrátt fyrir tapið
Mynd: Fótbolti.net - Hafliði Breiðfjörð
„Þetta var hörkuleikur og okkar frammistaða var mjög góð. Við áttum helling skilið út úr þessum leik. Stig eða jafnvel öll á góðum degi og með smá heppni kannski. Ég held að Skaginn geti bara þakkað fyrir það sem þær fengu út úr þessum leik. Þær þurftu virkilega að hafa fyrir þessu,“ sagði Guðmundur Guðjónsson þjálfari ÍR í samtali við Fótbolta.net en hann mátti sætta sig við 2-1 tap gegn ÍA í hörkuleik.

Lestu um leikinn: ÍR 1 -  2 ÍA

„Ég er mjög ánægður. Eins og ég segi. Mér fannst Skaginn ekki skapa neitt af viti sjálfar. Hættan sem var upp við okkar mark var svona einna helst okkar eigin klaufaskapur. Sem er kannski eðlilegt þegar lið er að spila sig saman. En þar fyrir utan var varnarpakkinn og miðjusvæðið allt vel lokað og við sóttum hratt á þremur, fjórum, fimm mönnum í hvert skipti.“

ÍA liðið átti fleiri marktækifæri í fyrri hálfleik en ÍR-ingar komu inn í þann síðari af miklum krafti og uppskáru jöfnunarmark eftir þrjár mínútur. Hvað sagði Guðmundur við liðið sitt í hálfleik?

„Ég sagði ósköp fátt. Bara að halda áfram á þeirri braut sem við vorum. Við vissum alveg að við vorum að gera vel. Við vorum með varnarhlutverkin á hreinu. Fáum á okkur klaufalegt mark. Bryndís veit af því. Ég er búinn að tala við hana og hún bara lagar þetta. Þar fyrir utan sagði ég bara við þær að halda áfram og berjast í þessu. Vera nær mönnum og sækja hratt á þær. Sem við gerðum.“

Liðsuppstilling ÍR var þónokkuð breytt frá fyrstu umferð en tveir af bestu leikmönnum vallarins, þær Eva Ýr Helgadóttir og Mykaylin Rosenquist , léku sína fyrstu leiki fyrir ÍR. Við spurðum Guðmund út í liðsstyrkinn.

„Þær eru virkilega flottar stelpur og bara allar stelpurnar sem voru að spila hérna í dag. Eva og Mykaylin eru tvö púsl í heildarmyndina. Allar stelpurnar lögðu sig 100% fram og geta farið sáttar á koddann í kvöld.“

ÍR-ingar misstu níu leikmenn eftir síðasta tímabil og reyndu að fá liðsstyrk fyrir mót. Þau fengu til sín nokkra leikmenn en Guðmundi finnst skrítið að ungir leikmenn kjósi heldur að sitja á bekknum í efstu deild heldur en að spila reglulega í þeirri fyrstu.

„Eins og ég sagði við þig í síðasta viðtali þá missum við níu leikmenn og það þarf þá að fara af stað til að fylla þau skörð. Við hringdum mörg símtöl og töluðum við marga leikmenn. En mörgum ungum leikmönnum finnst meira spennandi að sitja á bekk í Pepsi og spila 15 mínútur hér og þar heldur en að spila 90 mínútur í 1.deildinni. Í 1.deild sem er hörkusterk. Mér finnst þetta óskiljanlegt en þetta er þeirra ákvörðun og það er eitthvað extra sexý við Pepsi.“

En getur verið að aukin áhugi og umfjöllun um deildina geti breytt þessu hugarfari?

„Engin spurning og það ber náttúrulega að hrósa ykkur á .net fyrir frábæra umfjöllun. Bæði um leikina og allt í kringum þá. Viðtöl við þjálfara og leikmenn og þar fram eftir götunum. Hrós til síðunnar,“ sagði Guðmundur en að lokum spurðum við hann út í næsta deildarleik liðsins.

„Við erum búin að spila svona sirka hundrað sinnum við Keflavík síðustu tvö árin og það er allt í lagi að bæta einum leik við það. Okkur finnst gaman að spila við Keflavík. Við höfum stundum tapað en líka unnið og það er bara ungt og hörkuspennandi lið. Erfitt viðureignar með góða leikmenn og góða þjálfara. Við þannig lið viljum við spila.“

Hægt er að horfa á allt viðtalið við Guðmund í sjónvarpinu hér að ofan.
Athugasemdir
banner
banner
banner
banner
banner