Per Mertesacker hefur ekki spilað mikið fyrir Arsenal á tímabilinu vegna meiðsla en hann segist algjörlega vita hvað hann sé að fara út í.

„Ég hef varla spilað í ár, en ég hef samt sem áður gert þetta í 15 ár þannig ég býst við því að ég viti alveg hvað ég er að fara út í”, sagði Mertesacker.

„Þetta er bara minn hugsunarháttur, sama hvað gerist á laugardaginn, þá mun ég vera tilbúinn. Ég skulda liðinu mína þjónustu. Ég vil vera algjörlega tilbúinn og þess vegna er ég að búast við 120 mínútna spil tíma og jafnvel vítaspyrnukeppni”.

Mikið hefur verið talað um Mertesacker í vikunni þar sem að hvorki Koscielny né Gabriel munu taka þátt í leiknum á laugardaginn.