Eins og lesendur hafa væntanlega tekið eftir þá hefur Hin Hliðin verið í fríi að undanförnu en þessi vinsæli liður er nú kominn aftur á síðuna. Nýr leikmaður mun sýna á sér hina hliðina einu sinni í viku til að byrja með og í dag er það Þorbjörn Atli Sveinsson 27 ára sóknarmaður hjá Fram sem ætlar að sýna á sér hina hliðina.
Þorbjörn lék með Fram áður en að hann fór til Bröndby í Danmerku árið 1998. Þar var hann í um eitt og hálft ár en kom svo aftur til Fram. Fyrir síðasta tímabil gekk hann til liðs við Fylki og skoraði hann 3 mörk í 14 leikjum með liðinu í efstu deild síðastliðið sumar. Alls hefur Þorbjörn leikið 120 leiki í efstu deild og skoraði í þeim 31 mark en hann á 15 landsleiki að baki með U-21 árs landsliði Íslands, 21 leik með U-19 ára landsliðinu og 23 leiki með U-17 ára liðinu.
Fullt nafn: Þorbjörn Atli Sveinsson
Gælunafn: Bjössi,Tobbi,Bjórbjörn,Björninn ungi.
Aldur: 27
Giftur/sambúð: Nei
Börn: Nei
Hvað eldaðir þú síðast? Hvítlauks og chillipasta
Hvað vilt þú fá á pizzuna þína? Númer o á Eldsmiðunni
Hvernig gemsa áttu? Sony Ericsson 98789098
Uppáhaldssjónvarpsefni? The Office og Simpsons
Besta bíómyndin? Bananas og The Party
Hvaða tónlist hlustar þú á? Tom Waits er í uppáhaldi.
Uppáhaldsútvarpsstöð? Skonrokk,víst búið að hætta með hana,Rás 2 annars.
Uppáhaldsdrykkur? Canada Dry
Uppáhaldsvefsíða? http://astro.hi.is/~pallja/
Ertu hjátrúarfullur fyrir leiki (ef já, hvernig þá?)? Já,fer aldrei í sömu nærbuxurnar.
Hvernig er best að pirra andstæðinginn? Ég held að það sé að tala við hann.
Hvaða liði myndir þú aldrei spila með? L.A.Lakers
Hvert var átrúnaðargoð þitt á yngri árum? Sigurjón Kristjánsson
Erfiðasti andstæðingur? Ásgeir Elíasson
EKKI erfiðasti andstæðingur? Willum Þór Þórsson
Besti samherjinn? Birkir Kristinsson
Sætasti sigurinn? Fram - Þróttur 2003
Mestu vonbrigði? Öll meiðslin.
Uppáhalds lið í enska boltanum? Man United.
Uppáhaldsknattspyrnumaður? Andrev Shevtjenkov!!!
Besti íslenski knattspyrnumaðurinn fyrr og síðar? Ásgeir Elíasson
Efnilegasti knattspyrnumaður landsins? Ágúst Þór Gylfason
Fallegasti knattspyrnumaðurinn í deildinni? Ágúst Þór Gylfason
Fallegasta knattspyrnukonan? Ágúst Þór Gylfason
Grófasti leikmaður deildarinnar? Ágúst Þór Gylfason
Besti íþróttafréttamaðurinn? Valtýr Þór Valtýsson og Þorsteinn Vilhjálmsson
EKKI besti íþróttafréttamaðurinn? Brandur og Edda Andrésdóttir
Hver er mesti höstlerinn í liðinu? Það hlýtur að vera hann Ingólfur(spilar á gítar og þekkir gæjana úr Skítamóral,tekið fram að hann kemur frá Selfossi.
Hefurðu skorað sjálfsmark? Nei
Segðu okkur frá skemmtilegu atviki sem gerst hefur í leik: Eftir bikarúrslitaleik í Afríkulýðveldinu Malawi árið 2002 var greint frá því í blaði einu,undir fyrirsögninni "Great spell", að álög galdramanns Lilongwe United hafi gert útslagið í leiknum. En trú manna þar er sú að galdramenn liðanna hafi úrslitaáhrif á gengi þeirra. Ólíkt því sem við þekkjum þá tíðkast ekki að reka þjálfarana heldur galdramennina,sem er kannski ekki svo galið.
Það vildi þannig til að leikmaður úr Dedza F.C. var kominn einn í gegn á móti markmanni. Staðan var 2-1 fyrir Lilongwe United og skammt til leiksloka. Urðu málalok þau að áður en umræddur leikmaður náði að koma skoti á markið, gerði hann einn stóran í buxurnar(skeit á sig,hafði hægðir), brenndi færinu af og leikurinn tapaðist. Sá atburður var að sjálfsögðu rakinn beint til galdramanns Lilongwe United,og var galdramaður Dedza F.C. umsvifalaust rekinn fyrir þá sök að hafa ekki séð við hinum galdramanninum með mótgöldrum.
Fótboltinn er stundum ekki svo flókin íþrótt!!!
Spilar þú Championship Manager tölvuleikinn? Nei
Hvenar lékstu þinn fyrsta leik með meistaraflokki? Ég var 15 ára gamall.
Hvernig finnst þér Fótbolti.net? Mjög skemmtileg og fersk síða.
Kíkir þú oft á Fótbolti.net? Já,það geri ég.
Ef þú mættir breyta einni reglu í fótbolta, hverju myndir þú breyta? Banna rauðhærða.
Hvern vildir þú sjá á sviði? (tónleikum) Laufar S.Ómarsson vin minn(oft nefndur slátrarinn frá Ibiza),frægur fyrir lipurð á leikvellinum og fima takta á dansgólfinu. Er mikill performer og eykst vilji hans til að koma fram með hverri rauninni.
Hvað finnst þér leiðinlegast að gera á æfingu? Hlaupa.
Hver er frægasta persónan sem þú ert með í farsímanum þínum? Laddi
Hver er uppáhaldsstaðurinn þinn í öllum heiminum? Rúmið mitt.
Hversu lengi ertu að koma þér í gang á morgnanna? Svona allt frá 4-8 sek.
Hver er uppáhaldsÍÞRÓTTAMAÐURINN þinn? Anna Kurniykova
Fyrir utan knattspyrnu, fylgist þú með öðrum íþróttum? Já,öllu mögulegu.
Hver er uppáhalds platan þín? Closing Time með Tom Waits og Eniga Meniga með Olgu Guðrúnu.
Hvenær borgaðir þú þig síðast inn á knattspyrnuleik? Það var á Ísland - Ítalíu
Í hvernig fótboltaskóm spilar þú? Er ekki búinn að ákveða það.
Í hverju varstu/ertu lélegastur í skóla? Öllu bóklegu.
