„Shawcross hefur verið frábær leikmaður fyrir félagið. Vonandi verður hann hér í mörg ár í viðbót," segir framkvæmdastjóri Stoke, Tony Scholes, um hinn 29 ára miðvörð.

Næsta tímabil verður ellefta tímabil Shawcross hjá Stoke en hann kom upphaflega á láni frá manchester United 2007.

Varðandi Hollendinginn Martins Indi bendir Scholes á að þetta snúist ekki bara um stoke og leikmanninn heldur líka Porto.

„Allt þarf að smella áður en hægt verður að ganga frá honum," segir Scholes en Stoke hafnaði í 13. sæti á síðasta tímabili. Það var lægsta niðurstaðan síðan Mark Hughes tók við stjórnartaumunum.