Mbappe átti frábært tímabil með Mónakó og hjálpaði liðinu að verða Frakklandsmeistari og að komast í undanúrslit Meistaradeildarinnar. Hann skoraði 26 mörk í öllum keppnum á síðasta tímabili.

En fjölmiðlar í Frakklandi greina frá því núna að hann sé á leið til Real Madrid eftir að Florentino Perez ræddi við föður hans, en talið er að faðir leikmannsins hafi mikil áhrif á það hvert hann fer.

Franska sjónvarpsstöðin Telefoot segir að Perez hafi útskýrt fyrir föður Mbappe hvaða hlutverki sonur hans mun gegna í Madrídarliðinu.

Talað hefur verið um að Real ætli að greiða meira en 100 milljónir punda fyrir hann, en þá yrði hann dýrasti fótboltamaður sögunnar.