Ætlar að búa sér til sitt eigið lið í Draumaliðsdeild Azazo
„Við vissum að þetta yrði erfiður leikur því við áttum bikarleik í síðustu viku. Við vissum að KR ætti fullt af orku í leikinn og við þyrftum að svara því. Mér fannst við standa okkur vel,“ sagði Cloé Lacasse, hetja ÍBV, eftir 2-0 útisigur á KR.
Lestu um leikinn: KR 0 - 2 ÍBV
„Það er ekki hægt að kvarta þegar maður skorar? Ég fékk góða sendingu frá Katie og við beittum hröðum og kröftugum skyndisóknum,“ sagði Cloé sem gerði bæði mörk ÍBV í leiknum. Það síðara kom ekki fyrr en undir lok leiks og Eyjakonur þurftu því að hafa vel fyrir stigunum þremur í kvöld.
„Ég held að þetta hafi verið níunda markið mitt svo vonandi næ ég tveggja stafa tölunni fljótlega,“ sagði Cloé sem varð þar með markahæst í Pepsi-deildinni. Með eitt mark á Fanndísi Friðriksdóttur og Katrínu Ásbjörnsdóttur sem eiga þó leik inni á hana.
Það er þó ekki eina deildin sem hún er að gera það gott í en Cloé er stigahæst í Draumaliðsdeild Azazo. Hún hafði þó ekki hugmynd um það fyrr en að Bryndís Lára Hrafnkelsdóttir, markvörður Þórs/KA, lét hana vita.
„Bryndís Lára sendi mér skilaboð um daginn og spurði hvort ég vissi að ég væri efst í Draumaliðsdeildinni. Ég hafði ekki hugmynd um það og þarf að búa mér til mitt eigið lið,“ sagði þessi skemmtilegi leikmaður meðal annars en nánar er rætt við hana í sjónvarpinu hér að ofan.
Smelltu hér til að taka þátt í leiknum!
Athugasemdir