„Mér fannst við spila mjög vel, pressuðum mjög vel þannig að við náðum að stíga á þær og skora mörk“ sagði Svava Rós Guðmundsdóttir eftir 5-0 sigur á FH í Kaplakrika í kvöld en hún átti enn einn stórleikinn á hægri kanti blika og skapaði stöðugt hættu með hraða sínum.
Lestu um leikinn: FH 0 - 5 Breiðablik
„Ég var náttúrulega mjög ósátt, fannst ég vera búin að gera mitt besta inn á vellinum í sumar til að sýna að ég ætti að vera þarna“ sagði Svava um sín viðbrögð við valinu á 23 manna landsliðshóp en Svava hefur tekið þátt í síðustu verkefnum en var ekki valin.
„Það er rosa erfitt, það er eiginlega ekkert hægt. Það kemur í ljós, ég verð tilbúin.“ sagði Svava þegar hún var beðin um að lýsa því hvernig undirbúningi er háttað á biðlista. Svava er í 8 manna hópi sem er næstur inn ef eitthvað kemur upp á í 23 manna hópnum sem fer til Hollands á Evrópumótið.
Að lokum var Svava spurð út í næsta leik en það er toppslagur við lið Þór/KA og sagði Svava meðal annars: „Við komum brjálaðar í þann leik. Tökum einn leik í einu og vinnum hann!“
Nánar er rætt við Svövu í sjónvarpinu hér að ofan
Athugasemdir