Harpa Þorsteinsdóttir var maður leiksins í stórsigri Stjörnunnar á Haukum fyrr í kvöld. Harpa á afmæli í dag og skoraði tvö mörk í tilefni dagsins. Hún var heilt yfir ánægð með leik síns liðs í kvöld.
Lestu um leikinn: Stjarnan 5 - 0 Haukar
„Við náðum að leysa ótrúlega vel úr, sérstaklega í fyrri hálfleik, á móti þéttum varnarleik hjá Haukum og þetta var svona nokkurn veginn það sem lagt var upp með."
Um miðjan seinni hálfleik fór Harpa að draga sig meira út á kantinn og reyna langar skiptingar inn í opið svæði í Haukavörninni.
„Ég var svona að reyna að koma einhverju að, þær voru náttúrulega þéttar og við kannski föllum fullmikið niður með tempóið hjá okkur svo maður var bara að reyna að finna glufurnar."
Framan af leik virtist vera aðeins of mikil ákefð í Stjörnukonum og loka ákvarðanirnar urðu oft slakar. Harpa fann aðeins fyrir því en var þó sátt með leik liðsins.
„Já við vorum kannski ekki að klára nægilega vel á síðasta þriðjungi en við skorum samt fjögur mörk og komumst alveg sáttar frá þessu"
Viðtalið má sjá í heild í spilaranum hér að ofan.
Athugasemdir
