„Fyrri hálfleikur góður, nokkuð jafn og við vel inní leiknum. En það er í raun seinni hálfleikur sem er mjög slakur af okkur hálfu, þær komu framar á völlinn og pressuðu. Mér fannst við aldrei komast almennilega út úr þeirri pressu“ sagði Orri aðspurður um leik síns liðs í kvöld.
Lestu um leikinn: FH 0 - 5 Breiðablik
„Gegn frábæru liði einsog Breiðablik er, þá er erfitt að koma til baka og jafna eða vinna leikinn en við þurfum að halda áfram til að klára leikinn með sóma. Það var það sem við gerðum ekki, við erum að fá á okkur fjórða markið, nánast gjöf og í uppbótartíma, erum við að verjast hornspyrnu og gerum það ekki. Það finnst mér slakkt og við verðum að gera betur þar“ sagði Orri aðspurður hvort að um uppgjöf hefði verið að ræða hjá hans liði í dag.
Hvort að það væri erfitt að gíra liðið þegar það er um miðja deild sagði Orri:„Nei það held ég ekki. Síðasti leikur frábær en ég veit ekki hvort það hafi farið svona mikil orka í fyrri hálfleik því við mættum þeim framarlega. En einhvernveginn leit þetta út eftir annað markið eins og að loftið læki úr blöðrunni. Stefnum á miklu fleiri stig og erum ekki öruggar með sæti í deildinni“
Að lokum var Orri spurður út í næsta leiki:„Við eigum þá Hauka, Fylki, KR í einni beit, við hljótum að nálgast þá leiki einsog úrslitaleiki“
Nánar er rætt við Orra í sjónvarpinu hér að ofan
Athugasemdir