Landsliðskonan Gunnhildur Yrsa Jónsdóttir var í byrjunarliðinu og spilaði allan leikinn er lið hennar, Vålerenga, lagði Grand Bodö í úrvalsdeild kvenna í Noregi í dag.

Gunnhildur hefur verið fyrirliði liðsins í undanförnum leikjum, þrátt fyrir að hafa aðeins komið til liðsins fyrir tímabilið.

Hún var auðvitað í byrjunarliðinu í dag og spilaði allan leikinn í 2-0 sigri á liði Grand Bodö.

Bæði mörkin komu frekar snemma í seinni hálfleiknum.

Þetta var mikilvægur sigur fyrir Vålerenga, en liðið fjarlægist nú fallpakkann og er um miðja deild.