Færeyski landsliðsmarkvörðurinn Gunnar Nielsen er að glíma við meiðsli á hné og spilar ekki með Íslandsmeisturum FH þegar liðið heimsækir Fylki í 8-liða úrslitum Borgunarbikarsins í kvöld.
Þetta kemur fram á mbl.is en Gunnar meiddist í 1-0 sigri FH gegn ÍBV í síðustu umferð Pepsi-deildarinnar.
Þetta kemur fram á mbl.is en Gunnar meiddist í 1-0 sigri FH gegn ÍBV í síðustu umferð Pepsi-deildarinnar.
Meiðslin eru ekki alvarleg og býst Heimir Guðjónsson, þjálfari FH-inga, við því að Gunnar verði klár í slaginn þegar FH tekur á móti Breiðabliki í Pepsi-deildinni á mánudagskvöld.
Vignir Jóhannesson mun standa á milli stanganna hjá FH í kvöld en hann hefur spilað báða bikarleiki liðsins til þessa.
Vignir er 27 ára og kom til FH fyrir tímabilið en hann var aðalmarkvörður Selfyssinga í þrjú ár þar á undan.
Leikur Fylkis og FH hefst 19:15 og verður að sjálfsögðu í beinni textalýsingu hér á Fótbolta.net.
Leikir 8. liða úrslita bikarsins:
Í kvöld: 19:15 Fylkir - FH
Sunnudagur: 17:00 Víkingur R. - ÍBV
Sunnudagur: 19:15 Stjarnan - KR
Mánudagur: 19:15 Leiknir R. - ÍA
Athugasemdir