Juan Carlos Osorio, landsliðsþjálfari Mexíkó, hefur verið dæmdur í sex leikja bann, auk þess sem hann þarf að greiða sekt upp á rúm 4 þúsund pund, fyrir að móðga dómara.
Osorio lét dómarann heyra það þegar Mexíkó tapaði gegn Portúgal í leiknum um þriðja sætið í Álfukeppninni þann 2. júlí.
Osorio lét dómarann heyra það þegar Mexíkó tapaði gegn Portúgal í leiknum um þriðja sætið í Álfukeppninni þann 2. júlí.
FIFA, Alþjóðaknattspyrnusambandið, hefur fundað um málið og hefur ákveðið að dæma Osorio í sex leikja bann.
„Bannið tekur gildi strax," segir í yfirlýsingu frá FIFA.
Bannið mun hafa áhrif á Mexíkó í Gullbikarnum sem hefst á næstu dögum. Osorio mun missa af keppninni.
Athugasemdir