Arnar Bill sá um það að taka út svissneska landsliðið, mótherja Íslands í öðrum leik EM. Arnar Bill hefur fylgst vel með svissneska liðinu undanfarna mánuði og ferðast víða.
Leikur Íslands og Sviss fer fram á Tjarnarhæðinni í Doetinchem á laugardaginn.
Leikur Íslands og Sviss fer fram á Tjarnarhæðinni í Doetinchem á laugardaginn.
„Þegar það er svona stutt á milli leikja þá er lítill tími til að fara yfir mikla taktík. Æfingin í gær var fyrir þær sem spiluðu ekki á meðan hinar voru að jafna sig. Í dag verður farið yfir smá leikfræði og svo á morgun er æfing á leikvellinum þá þýðir ekkert að fara í leikfræði þar sem þar eru einhverjir sem gætu séð. Eini sénsinn er í rauninni á æfingunni í dag til að undirbúa liðið fyrir leikinn á æfingasvæðinu," sagði Arnar Bill.
„Það verður að hafa það í huga að leikmennirnir eru þreyttir og tempó-ið verður rólegt. Þetta verður meira labb og því um líkt."
Í gær hélt hann fund með leikmönnum Íslands þar sem hann fór yfir leikstíl Sviss.
„Í kvöld verður talað um hvað við ætlum að gera gegn liðinu. Síðan á eftir að fara yfir föst leikatriði og fleira," sagði Arnar Bill en hann segir leikinn á laugardaginn vera 50/50 fyrirfram.
„Þær fóru á HM á kostnað okkar og Dana árið 2015 og eru núna í fyrsta skipti á EM. Þær eru nokkuð reynslu mikið lið og eru með leikmenn í mjög góðum liðum í Þýskalandi."
„Frægasti leikmaður liðsins er Ramona Bachmann sem spilar með Chelsea og er topp leikmaður. Þær eru með mjög góða einstaklinga og mjög reynslu mikið lið á alþjóðavísu," sagði Bill sem hefur fylgst vel með Sviss undanfarna mánuði.
„Ég er búinn að flakka víðsvegar um Evrópu til að elta þær. Ég hefði bæði farið til Sviss og síðan til Kýpur. Þá hef ég einnig horft á mikið af leikjum hjá þeim í tölvunni. Við þekkjum þær mjög vel," sagði Arnar en bæði hann og Heimir Hallgrímsson fóru á leik Sviss og Austurríkis í fyrstu umferðinni þar sem Austurríki hafði betur 1-0. Heimir sér um að njósna um Austurríkis liðið.
„Austurríska liðið var gríðarlega aftarlega og Sviss náði engu flæði á spilið fyrir vikið. Síðan var Austurríki með góðar skyndisóknir og náðu að klára þær þannig. Sviss hitti ekki á sinn besta dag en leikurinn á laugardaginn verða bæði lið með 0 stig fyrir leik og þetta verður mikil barátta. Þetta verður miklu jafnari en Frakka leikurinn."
Viðtalið í heild sinni má sjá í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir