Nýjustu fréttir herma að spænska liðið, Barcelona, hafi boðið Arsenal að kaupa brasilíska miðjumanninn Rafinha.
Rafinha er 24 ára miðjumaður en hann fór ekki með Barcelona í æfingarferð liðsins til Bandaríkjanna nú í vikunni.
Barcelona er tilbúið að hlusta á tilboð upp á 30 milljónir evra og er Arsenal talið eitt af þeim liðum sem sé tilbúið að borga þann pening.
Þessar fréttir eru athyglisverðar þar sem að í síðustu viku sagði Josep Maria Bortomeu, forseti Barcelona, að leikmaðurinn væri ekki til sölu.
Rafinha sagði sjálfur í byrjun sumars að framtíð hans væri í óvissu og að aðeins guð viti hvað muni gerast
„Framtíð mín er alveg galopin og aðeins guð veit hvar ég mun spila á næstu leiktíð."
Athugasemdir