Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 22. júlí 2017 22:00
Guðmundur Aðalsteinn Ásgeirsson
Stuðningsmenn réðust á eigin leikmann
Mynd: Getty Images
Nikola Trujic, miðjumaður serbneska liðsins FK Vojvodina, varð fyrir árás sinna eigin stuðningsmanna fyrr í þessum mánuði.

Leikmaðurinn segir frá þessu sjálfur, en hann segir að stuðningsmenn hafi mætt inn í búningsklefa liðsins eftir tap gegn Ruzomberok frá Slóvakíu í Evrópudeildinni.

FK Vojvodina féll úr leik eftir tapið og stuðningsmenn voru alls ekki sáttir með það. Þeir létu reiði sína bitna á Trujic.

„Ég var tekinn hálstaki, ég var sleginn í hausinn," sagði Trujic við serbneska fjölmiðla eftir atvikið.

Leikmannasamtökin Fifpro hafa beðið UEFA um að rannsaka málið.
Athugasemdir
banner
banner