sun 23. júlí 2017 06:00
Guðmundur Aðalsteinn Ásgeirsson
Darren Bent verður frá fram að jólum
Mynd: Getty Images
Darren Bent, sóknarmaður Derby County, verður líklega frá fram að jólum eftir að hafa meiðst aftan í læri.

Bent, sem er 33 ára gamall, meiddist í æfingaleik gegn Port Vale og í ljós kom eftir skoðanir að hann yrði lengi frá.

„Darren fór í skoðun og hitti sérfræðing í Lundúnum eftir að hafa meiðst á þriðjudag gegn Port Vale."

„Við fengum ekki góðar fréttir eftir það. Hann verður líklega frá fram að jólum," sagði Gary Rowett, stjóri Derby, við vef félagsins.

Bent lék 42 leiki á síðasta tímabili og skoraði 13 mörk. Derby hefur tímabilið í Championship-deildinni með leik gegn Sunderland, sem féll úr ensku úrvalsdeildinni á síðasta tímabili, þann 4. ágúst.
Athugasemdir
banner
banner
banner