„Það getur verið, að lokamínúturnar hafi átt að gefa okkur mark, en mér fannst við heilt yfir langt í frá nógu góðir," sagði Kristján Guðmundsson, þjálfari ÍBV, eftir 2-1 tap gegn Fjölni í dag.
„Það vantaði ákefð, að vinna návígi, vinna fyrsta boltann, vinna annan boltann. Mér fannst við alltaf vera á eftir."
„Það vantaði ákefð, að vinna návígi, vinna fyrsta boltann, vinna annan boltann. Mér fannst við alltaf vera á eftir."
Lestu um leikinn: Fjölnir 2 - 1 ÍBV
Mörkin sem ÍBV fékk á sig voru klaufaleg.
„Þetta eru ferleg mörk að fá á sig. Þetta er enn einn leikurinn sem við getum tekið stig úr, en gerum ekki."
„Það er ekki gott og við þurfum að fara að bæta í."
Shahab Zahedi Tabar, sóknarmaður frá Íran, kom beint inn í byrjunarlið ÍBV. Kristján var spurður út í hans frammistöðu.
„Það var spennandi að sjá hvað hann myndi gera. Mér fannst frammistaða hans vera mitt á milli. Hann var ekki of slakur, en ég hefði viljað sjá hann skora strax. Þetta var allt í lagi."
Nú er langt síðan ÍBV vann síðast í deildinni, en liðið er sem stendur í næst neðsta sæti Pepsi-deildarinnar.
„Það sem við þurfum að gera er að vera miklu ákveðnari. Mér fannst þetta alltof hægt, alltof soft. Ég ætla ekki að nota orðið karlmennska, það er bannað í dag, en við verðum að gera betur."
Athugasemdir
