Philippe Coutinho og Mohamed Salah skoruðu í 2-1 sigri á Leicester í æfingamóti í Hong Kong í gær en á dögunum skoruðu framherjarnir Dominic Solanke og Divock Origi í 2-0 sigri á Crystal Palace.

Hörð samkeppni er um fremstu stöðurnar hjá Liverpool þessa dagana.

„Mér fannst strákarnir vera frábærir í fyrri hálfleik. Við vorum mjög sóknarsinnaðir og skoruðum tvö mörk þökk sé Mo (Salah) og Phil (Coutinho)," sagði Henderson.

„Við erum með stóran hóp og marga góða leikmenn svo það verður erfitt fyrir stjórann að velja byrjunarliðið."