Í dag lýkur 12. umferðinni í Pepsi-deild karla.

Víkingur Ó. fær Valsmenn í heimsókn á sinn fallega heimavöll.

Með sigri getur Valur náð sex stiga forskoti á toppi deildarinnar, en ef Ólsarar taka sigur þá komast þeir fimm stigum frá fallsæti. Það yrði ansi vel gert á þessum tímapunkti, en flestir sparkspekingar voru á því máli fyrir mót að Víkingur Ó. myndi falla úr deildinni.

Leikur Víkings Ó. og Vals hefst 19:15 á Ólafsvíkurvelli.

Það eru einnig þrír leikir í A-riðli 4. deildar karla og þá mætast Afturelding/Fram og Hvíti Riddarinn í 2. deild kvenna. Afturelding/Fram getur aukið forskot sitt á toppnum, en andstæðingar þeirra í dag eru á botninum með eitt stig.

Allir á völlinn!