Landsliðið og íslenskir fjölmiðlar hafa komið sér fyrir í Rotterdam þar sem Ísland og Austurríki mætast í lokaumferð C-riðils Evrópumótsins á morgun.
Ljóst er fyrir leikinn að Ísland endar í neðsta sæti riðilsins og því ljóst að það kveður mótið þegar þýskur dómari leiksins flautar af.
Ljóst er fyrir leikinn að Ísland endar í neðsta sæti riðilsins og því ljóst að það kveður mótið þegar þýskur dómari leiksins flautar af.
Ísland kveður í Kastalanum, Sparta Stadion. Það er afar huggulegur 11 þúsund manna völlur en hollenska úrvalsdeildarfélagið Sparta Rotterdam spilar heimaleiki sína á vellinum.
Venjulega er hann gervigrasvöllur en fyrir mótið var sett náttúrulegt gras á hann.
Ástæðan fyrir því að völlurinn fékk gælunafnið Kastalinn var vegna byggingar á einni hlið leikvangsins sem hefur tvo áberandi turna og svipar mjög til kastala. Hönnunin á byggingunni var innblásin af kastala sem stóð í nágrenni vallarins á öldum áður.
Í mörg ár var það venjan að vallarstjóri félagsins byggi í þessari kastalabyggingu ásamt fjölskyldu sinni en nú er þar safn og verslun þar sem hægt er að kaupa muni tengda Sparta Rotterdam.
Lestu nánar um völlinn á heimasíðu Tólfunnar
Athugasemdir