Ísland mætir Austurríki í lokaleik sínum á EM kvenna í Kastalanum í Rotterdam í kvöld.
Heimir Hallgrímsson þjálfari karla landsliðs Íslands fékk það hlutverk fyrir mót að leikgreina leik Austurríkis. Nú er ljóst að leikurinn annað kvöld skiptir Íslandi litlu sem engu máli.
Heimir Hallgrímsson þjálfari karla landsliðs Íslands fékk það hlutverk fyrir mót að leikgreina leik Austurríkis. Nú er ljóst að leikurinn annað kvöld skiptir Íslandi litlu sem engu máli.
Freyr Alexandersson þjálfari kvenna landsliðsins segir að sú vinna sem Heimir hefur lagt á sig hafi nýst liðinu í undirbúningnum þrátt fyrir að liðið sé úr leik.
„Við nýtum þessa vinnu eins vel og við höfum nýtt vinnuna fyrir fyrri leiki. Það skiptir mig miklu máli að vinna mjög faglega frá fyrsta degi til þess síðasta. Alveg sama hvenær maður hættir í þessu móti. Ég ákvað það mjög snemma að sama hvernig þetta myndi ganga, þá myndi ég sjá til þess að ég myndi ekki sjá eftir neinu. Öll þessi faglega vinna hefur haldið áfram. Öllum upplýsingunum sem við höfðum safnað hefur verið komið til skila til leikmanna, svo þeir eru vel undirbúnir," sagði Freyr sem hrósaði austurríska liðinu á fréttamannafundi sem haldin var fyrr í gærdag.
„Þær hafa spilað þetta mót frábærlega vel eins og við áttum von á. Þetta er lið á uppleið og það eru allir sáttir við leikstílinn sem þær spila, bæði leikmenn, þjálfarar og umhverfið í kringum liðið. Þær spila taktískt mjög skemmtilega, 4-4-2 sóknarlega en breyta í 5-4-1 varnarlega. Þær fara all-in í pressu þegar boltinn er á okkar vallarhelmingi og eru mjög líkamlega sterkar. Þær gefa lítið svæði fyrir aftan sig þegar þær verjast. Þær skora helming marka sinna eftir föst leikatriði og eru gríðarlega sterkar þar. Þær hafa einnig leikmenn í fremstu röð í framherja stöðunum sem nýta færin sín vel. Þetta er gríðarlega vel þjálfað lið með sterka liðsheild, sem spilar af krafti," sagði Freyr og sem bætti við að þær væru ekki ósvipaðar og íslenska liðið.
„Við höfum fylgst vel með Austurríki að undanförnu og árangur þeirra á mótinu kemur okkur ekki á óvart."
Austurríki eru með fjögur stig að loknum tveimur leikjum. Þær unnu Sviss í fyrsta leik og gerðu síðan 1-1 jafntefli við Frakkland í öðrum leik. Úrslit sem gerðu það að verkum að Ísland væri endanlega úr leik á mótinu.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir