Bardsley, sem er fyrrum leikmaður Manchester United og Sunderland, var í mánuð á láni hjá Burnley árið 2006 og er nú mættur aftur. Hann er fjórði leikmaðurinn sem Burnley fær í sumar.

„Ég finn enn fyrir eldmóði til þess að afreka hluti í fótbolta og þetta er frábært tækifæri," sagði Bardsley.

Burnley hélt sæti sínu í ensku úrvalsdeildinni á síðustu leiktíð og þeir ætla að gera það aftur á næstu leíktíð. Jack Cork er kominn frá Swansea, Charlie Taylor frá Leeds og þá er Jonathan Walters einnig kominn frá Stoke. Bardsley er því annar leikmaðurinn sem Burnley fær til sín frá Stoke City þetta sumarið.

Jóhann Berg Guðmundsson leikur með Burnley, en hann er að fara að hefja sitt annað tímabil hjá félaginu.