Ísland spilar síðasta leik sinn í lokakeppni EM í Hollandi í dag miðvikudag, þegar stelpurnar okkar mæta Austurríki. Leikurinn verður að sjálfsögðu sýndur í beinni útsendingu á EM torginu við Ingólfstorg.
Dagskrá EM torgsins hefst klukkan 18.00 með upphitun RÚV fyrir leik auk þess sem Friðrik Dór mætir á svæðið og kemur gestum í rétta gírinn fyrir leikinn.
Mætum á EM torgið og hvetjum stelpurnar áfram í blíðunni sem spáð er á morgun og þökkum þeim um leið fyrir frábæra baráttu og skemmtun á þessu móti.
Allir leikirnir í útsláttarkeppni EM verða svo sýndir í beinni útsendingu á EM torginu og kjörið að fylgjast þar áfram með spennandi keppni.
Áfram Ísland!
Það eru KSÍ, Borgun, Icelandair, Íslenskar getraunir, Landsbankinn, N1, Coca-Cola Euopean Partners Ísland og Reykjavíkurborg sem standa að EM torginu.
Athugasemdir