Ross Barkley er 100% á förum frá Everrton en þetta sagði Ronald Koeman, stjóri liðsins, á fréttamannafundi nú rétt í þessu. Barkley hefur ekki viljað skrifa undir nýjan samning við Everton en núverandi samningur hans rennur út eftir ár. Nú er hann á förum.
Everton hefur undanfarnar vikur reynt að fá Gylfa Þór Sigurðsson í sínar raðir en án árangurs.
Líkurnar á að Gylfi komi til Everton aukast ef Barkley verður seldur á næstunni. Everton fær þá pening í kassann auk þess sem miðjumönnum fækkar hjá félaginu um leið.
Swansea vill fá 50 milljónir punda fyrir Gylfa en fyrr í vikunni hafnaði félagið tilboði frá Everton upp á 40 milljónir punda með möguleika á fimm milljóna punda bónusgreiðslum.
Ef mál Barkley fara að skýrast á næstu dögum þá er líklegt að Everton reyni að ná samkomulagi við Swansea um kaup á Gylfa í kjölfarið.
Athugasemdir