Gísli Gíslason, stjórnarmaður KSÍ og faðir landsliðskonunnar Hallberu Guðnýjar Gísladóttir, spjallaði við Arnar Daða Arnarsson, fréttamann Fótbolta.net, í Rotterdam í dag.
Gísli var gríðarlega ferskur að vanda.
„Holland er fallegt og skemmtilegt land. Það er dásamlegt að vera hérna," sagði Gísli ánægður með lífið og tilveruna.
Ísland á ekki möguleika á að komast áfram fyrir lokakeppni riðlakeppninnar á EM sem fram fer í kvöld. Ísland mætir Austurríki í Rotterdam klukkan 18:45 að íslenskum tíma.
„Við getum kvartað yfir úrslitunum en getum ekki kvartað yfir vinnuframlaginu frá stelpunum. Þær hafa verið til mikils sóma. Það var þunglyndi fyrstu tvo dagana eftir leikinn gegn Sviss en svo heldur lífið áfram."
Að lokum var Gísli spurður að því hvort það væri ekki kominn tími á að dóttir hans hún Hallbera myndi ganga út. Svarið má sjá í sjónvarpinu hér að ofan!
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir