Lestu um leikinn: KR 2 -  0 Fjölnir

KR-ingar eru komnir í fimmta sæti deildarinnar með 17 stig eftir sigur kvöldsins en Pálmi Rafn Pálmason og Óskar gerðu mörk heimamanna.

Liðið sundurspilaði Fjölnismenn í síðari hálfleik en gestirnir veittu þeim þó mikla keppni í þeim fyrri.

„Já, virkilega. Við höfum ekki náð í alltof marga sigurleiki í sumar en erum komnir með tvo núna. Við vorum svolítið lengi í gang almenninlega en þegar Pálmi skorar þá upplifi ég eins og við séum með leikinn undir control og klárum hann sterkt að mér finnst," sagði Óskar við fjölmiðla.

„Þetta er einfalt. Þegar vel gengur eru allir ánægðir og öfugt en auðvitað ætluðum við að vera á öðrum stað akkurat núna en við getum ekkert gert í því nema að halda áfram."

André Bjerregaard kom til KR frá Horsens á dögunum en hann hefur gefið KR nýja vídd í sóknarleiknum og reynst afar mikilvægur.

„Hann kemur með öðruvísi vídd inn í okkar sóknarleik og hentar okkur ágætlega í dag. Ég er sammála því að með honum hefur komið öðruvísi líf í þetta og ég er virkilega ánægður með hans innkomu í liðið."

Óskar skoraði annað mark KR í kvöld en boltinn fór af varnarmanni og í netið. Hann segir að boltinn hefði farið inn hvort sem hann hefði snert varnarmann eða ekki.

„Þessi bolti hefði farið inn either way en auðvitað dettur þetta oft með þegar gengur vel og það þarf að gera það. Þetta er farið að detta aðeins með okkur núna," sagði hann í lokin.