Karl-Heinz Rummenigge, framkvæmdastjóri Bayern München, segir að félagið vilji ekki selja portúgalska landsliðsmanninn en staðfestir að Chelsea sé meðal félaga sem hafi sýnt áhuga.
Antonio Conte, stjóri Chelsea, spurði út í Sanches í Singapúr í vikunni en leikmaðurinn var frábær í 3-2 sigri Bayern gegn Chelsea.
Antonio Conte, stjóri Chelsea, spurði út í Sanches í Singapúr í vikunni en leikmaðurinn var frábær í 3-2 sigri Bayern gegn Chelsea.
Sanches er 19 ára en tókst ekki að vinna sér sæti í byrjunarliði Bayern á sínu fyrsta tímabili með félaginu, hann spilaði aðeins 17 leiki í þýsku deildinni á síðasta tímabili.
Bayern vill ekki selja Sanches en er opið fyrir því að lána hann eitt tímabil.
„Það eru að minnsta kosti tíu félög á eftir honum. Conte bað um upplýsingar eftir leikinn á þriðjudag því hann veit að hann getur breytt hlutum á vellinum. Við höfum enn trú á honum," segir Rummineggie.
Sanches hefur sjálfur lýst yfir óánægju með lítinn spiltíma á síðasta tímabili en slúðurblöðin hafa meðal annars sagt að AC Milan og Manchester United séu að horfa til hans.
Athugasemdir