Villarreal hefur fengið sóknarmanninn Carlos Bacca frá AC Milan á láni í eitt tímabil. Í lánssamningnum er klásúla um að Villarreal geti keypt Bacca alfarið eftir tímabilið.
Þessi 31 árs Kólumbíumaður virtist vera á leið til Sevilla en Villarreal vann kapphlaupið um hann. Félagið fær hann til að fylla skarð Roberto Soldado sem fór til Fenerbahce.
Bacca skoraði 49 mörk í 108 leikjum fyrir Sevilla milli 2013 og 2015. Liðið vann Evrópudeildina tvívegis.
Búist er við því að hann leiði sóknarlínu Villarreal ásamt Cedric Bakambu á komandi tímabili. Enes Unal, sem keyptur var frá Manchester City, og Roberto Soriano munu veita þeim samkeppni.
Villarreal endaði í fimmta sæti spænsku deildarinnar á síðasta tímabili og verður í Evrópudeildinni í vetur.
#CVFNews | Y el ‘9’ del #Villarreal es…🥁 ¡@carlos7bacca! #BenvingutBacca pic.twitter.com/0ocxSS0elU
— Villarreal CF (@VillarrealCF) August 16, 2017
Athugasemdir