Trent Alexander-Arnold.
Eftir að hinn átján ár Trent Alexander-Arnold skoraði fyrir Liverpool í góðum sigri gegn Hoffenheim í gær setti Jamie Carragher mynd á Twitter sem vakti mikla athygli.
Myndin var tekin fyrir deildabikarleik gegn Leeds 2009, hún er af Carragher og lukkukrakka sem átti að vera Alexander-Arnold. Myndin fór eins og eldur um sinu um netheima og var henni deilt í tugþúsunda tali.
Nú hefur verið uppljóstrað að strákurinn á myndinni er í raun og veru ekki Alexander-Arnold heldur Dion Simpson, 19 ára stuðningsmaður Liverpool.
„Ég var lukkukrakki í útileik gegn Leeds, það er heimabær minn. Þessi mynd var fyrst sýnd á Sky Sports News í fyrra og félk hélt að þetta væri Trent. Myndin fór um allt og nú hefur Carra dregið hana aftur fram á sjónarsviðið!" segir Simpson.
⚽️👌🏻 pic.twitter.com/DlQAutfe6R
— Jamie Carragher (@Carra23) August 15, 2017
Alexander-Arnold er uppalinn hjá Liverpool og skoraði í gær með hnitmiðuðu skoti beint úr aukaspyrnu. Stuðningsmenn Liverpool eru skiljanlega mjög spenntir fyrir þessum unga leikmanni.
Sjá einnig:
Alexander-Arnold: Draumur að skora fyrir Liverpool
Athugasemdir
