Heimild: Vísir
Freyr á vespunni.
Freyr Alexandersson, þjálfari kvennalandsliðsins, brunar um bæinn á vespu þegar vel viðrar. Um síðustu helgi var vespunni hins vegar rænt af heimili hans í Breiðholti.
„Ég er búinn að búa nánast alla ævi í Breiðholti og ég hef aldrei lent í neinu slíku áður," segir Freyr í samtali við Vísi.
Freyr brá á það ráð að auglýsa eftir vespunni á Facebook-síðunni Betra Breiðholt og það skilaði sér.
Freyr fékk símtal frá Breiðhyltingi sem hafði fundið vespuna í garðinum sínum.
„Hann beið þarna eftir mér fyrir framan vespuna og það var ekkert búið að skemma hana neitt. Þetta gat eiginlega ekki endað betur," sagði Freyr í samtali við Vísi.
Hann er ánægður með viðbrögð íbúa Breiðholts. „Ég er aðallega bara ánægður með samstöðuna og það að hafa fengið aftur vespuna."
Athugasemdir
