Kristófer Sigurgeirsson þjálfari Leiknis R. var sáttur eftir leik sinna manna gegn Selfyssingum í Inkassodeildinni í kvöld. Leiknir var lengi vel 1-0 yfir en í uppbótartíma náðu þeir að setja mark númer tvö og gera út um leikinn.
Lestu um leikinn: Selfoss 0 - 2 Leiknir R.
Eyjólfur Tómasson markmaður Leiknis átti stórleik í kvöld og mega samherjar hans þakka honum fyrir að þeir fari með stigin 3 í Breiðholtið.
„Eyjó í markinu var bara stórkostlegur. Hann á svona 6-7 alvöru vörslur í þessum leik og ég ætla rétt að vona að hann verði í liði vikunnar, það hlýtur að vera."
Guðmundur Ársæll dómari var áberandi í leiknum og vildu Selfyssingar meina að hann hafi ekki átt góðan dag með flautuna. Kristó gat ekki tekið undir það.
„Ég var ekki alveg að kaupa það að það væri eitthvað vesen. Allt frá fyrstu mínútu var allt orðið rosalega tens. Bara eitthvað smá brot voru öskur og læti, ég held að hann hafi bara átt fínasta leik."
Heilt yfir var Kristófer sáttur með leik sinna manna í dag.
„Já, það var margt gott í þessu í dag. Auðvitað er alltaf eitthvað sem að má laga en sigurinn er alveg frábær."
Viðtalið við Kristófer má sjá í heild sinni hér að ofan.
Athugasemdir
