Menningarþátturinn Fótbolti.net verður á sínum stað á X977 í dag laugardag milli 12 og 14.
Elvar Geir Magnússon og Benedikt Bóas Hinriksson verða í gasklefanum að þessu sinni.
Elvar Geir Magnússon og Benedikt Bóas Hinriksson verða í gasklefanum að þessu sinni.
Tómas Þór Þórðarson er staddur á landsbygðinni en fær þó ekki frí því hann mun skoða komandi leiki í Pepsi-deildinni með Elvari og Benna.
Kaup Everton á Gylfa Sigurðssyni verða að sjálfsögðu fyrirferðamikil í dagskránni. Magnús Már Einarsson var í Liverpool þegar gengið var frá kaupunum og segir frá heimsókn sinni þangað og spjalli sínu við Gylfa og enska sérfræðinga.
Blaðamaðurinn Magnús Geir Eyjólfsson verður einnig á línunni en hann er granítharður stuðningsmaður Everton.
Elvar og Benni fara yfir val lesenda Fótbolta.net á besta markverði, varnarmanni, miðjumanni og sóknarmanni Pepsi-deildarinnar.
Þá verður rætt við Baldur Sigurðsson, leikmann Stjörnunnar, og heppnir hlustendur geta unnið miða á leik Stjörnunnar og Fjölnis í Pepsi-deildinni.
Útvarpsþátturinn Fótbolti.net er á X-inu alla laugardaga kl. 12-14. Umsjónarmenn þáttarins eru Tómas Þór Þórðarson og Elvar Geir Magnússon. Hægt er að finna þá á X samfélagsmiðlinum undir @tomthordarson og @elvargeir.
Smelltu hér til að hlusta á upptökur úr eldri þáttum.
Þú getur hlustað á X-ið á netinu með því að smella hérna
Athugasemdir