Vængir Júpiters stefna upp úr 3. deildinni. Þeir unnu góðan útisigur á Vopnafirði í dag og eru í fínum málum í deildinni.

Það voru tveir leikir að klárast í deildinni.

Vængir mættu Einherja, en með sigri gátu þeir farið aftur upp í annað sæti deildarinnar. Þeir gerðu það, en þeim nægði eitt mark til að vinna leikinn. Georg Guðjónsson skoraði markið.

Kári er í mjög góðum málum á toppi deildarinnar, en næstu lið eru Vængir Júpiters, Þróttur V. og KF.

Í hinum leiknum sem var í dag skildu Dalvík/Reynir og Ægir jöfn, 2-2. Dalvík/Reynir er í sjöunda sæti og Ægir í því áttunda.