Hann hefur verið að æfa með Swansea undanfarnar vikur, en hann fór ekki með liðinu í æfingaferð til Bandaríkjanna þar sem það var mikil óvissa í kringum framtíð hans á þeim tíma. Hann var þess í stað heima í Wales og æfði með varaliði félagsins.

Gylfi spilaði 45 mínútur í fyrsta æfingaleik Swansea í júlí, en annars hefur hann ekkert spilað á þessu undirbúningstímbili.

Það verður því að teljast líklegt að hann byrji á bekknum í kvöld. Breskir fjölmiðlar eru sammála því, en flestir þeirra telja að Gylfi muni koma sprækur inn af bekknum í seinni hálfleiknum.

Ronald Koeman, stjóri Everton, hefur staðfest að Gylfi muni taka þátt í öllum þremur leikjum Everton í vikunni.

Hér að neðan eru myndir af líklegum byrjunarliðum í kvöld.