Neymar fór á kostum í 6-2 sigri PSG á Toulouse í gærkvöldi. Eftir leik lét hann stjórnarmenn Barcelona heyra það.
Neymar fór frá Barcelona til PSG á 200 milljónir punda í sumar. Hann hefur nú sent stjórnarmönnum Barcelona tóninn.
Neymar fór frá Barcelona til PSG á 200 milljónir punda í sumar. Hann hefur nú sent stjórnarmönnum Barcelona tóninn.
„Ég hef ekkert að segja við stjórn Barcelona. Eða reyndar hef ég eitthvað að segja: Ég er vonsvikinn með stjórnarmennina," sagði Neymar.
„Ég var í fjögur ár þarna og var mjög ánægður. Ég var ánægður í byrjun, var ánægður í fjögur ár og fór ánægður."
„Ég var hins vegar ekki ánægður með þá. Þeir ættu ekki að stjórna Barcelona að mínu mati. Barca verðskuldar eitthvað miklu betra og allir vita þetta."
Athugasemdir
