Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   þri 22. ágúst 2017 12:18
Guðmundur Aðalsteinn Ásgeirsson
Heimild: mbl.is 
Hólmar Örn hafnaði tilboði Levski Sofia
Mynd: Fótbolti.net - Hafliði Breiðfjörð
Hólmar Örn Eyjólfsson virðist ekki vera í plönum þjálfara ísraelska liðsins Maccabbi Haifa fyrir tímabilið.

Hann var ekki í leikmannahópi liðsins þegar það lék sinn fyrsta leik í úrvalsdeildinni í Ísrael í gær og hann er ekki einu sinni skráður á leikmannalista liðsins á heimasíðu félagsins.

Þetta kemur fram á mbl.is, en þeir greina einnig frá því að Hólmar hafi staðið það til boða að fara á láni til Búlgaríu.

Levski Sofia hafði áhuga á að fá hann á láni. Levski er eitt sigursælasta liðið í Búlgaríu, en þeir hafa verið að berjast á toppnum í Búlgaríu. Sem stendur er liðið í sjötta sæti eftir fimm leiki.

Hólmar Örn hafnaði hins vegar tækifærinu að fara á láni til félagsins samkvæmt heimildum mbl.is.

Hann er því enn leikmaður Maccabi Haifa, en það eru enn nokkrir dagar eftir af félagsskiptaglugganum.
Athugasemdir
banner
banner
banner
banner
banner