Það var blásið til veislu á Kópavogsvelli í kvöld. Breiðablik fékk botnlið Hauka í heimsókn í Pepsi-deild kvenna.

Rakel Hönnudóttir kom Blikum eftir þrjár mínútur og fljótlega var staðan orðin 3-0. Haukar náðu að minnka muninn fyrir leikhlé, en staðan þegar dómarinn flautaði var 3-1 fyrir Breiðablik.

Í upphafi seinni hálfleiks minnkuðu Haukar muninn enn frekar, í 3-2, en eftir það var leikurinn eign Blika.

Á 56. mínútu skoraði Rakel Hönnudóttir og hún fullkomnaði þrennu sína á 60. mínútu. Fanndís Friðriksdóttir setti sjötta markið áður en Rakel Hönnudóttir skoraði sitt fjórða mark.

Lokatölur voru 7-2 fyrir Blika í ótrúlegum leik. Breiðablik er í öðru sæti, átta stigum á eftir Þór/KA, en Haukar eru á botninum. Þær eru aðeins með eitt stig að 14 leikjum loknum.