Úlfur fékk sigur í dramatískum leik
„Ég var mjög ánægður með seinni hálfleikinn og mér fannst við skora þrjú góð mörk en við vorum ekki nógu góðar í fyrri hálfleik. Mér fannst Fylkisliðið mæta tilbúið í þennan leik og gera þetta feykilega vel. Þær geta verið stoltar af sinni frammistöðu. Þær áttu góðan leik í dag og við áttum góðan leik í seinni hálfleik,“ sagði Úlfur Blandon, þjálfari Vals, eftir 3-2 sigur á Fylki fyrr í kvöld.
Lestu um leikinn: Valur 3 - 2 Fylkir
Leikurinn var tíðindalítill lengst af en lokamínúturnar magnaðar þar sem báðum liðum tókst að skora og lokatölur 3-2. Það var heilt yfir ekki mikið bit í sóknarleik Vals en Elín Metta Jensen, þeirra markahæsti leikmaður tók út leikbann. Söknuðu Valskonur hennar?
„Elín Metta er auðvitað okkar helsti markaskorari, er búin að skora 10 mörk á þessu tímabili og er fyrirliði liðsins. Maður saknar alltaf góðra leikmanna en mér fannst þær sem komu inn og tóku við boltanum standa sig eins vel og ég vænti af þeim,“ svaraði Úlfur.
Valsliðið hefur verið á flottri siglingu er að klífa upp töfluna eftir vonbrigði í byrjun sumars. Úlfur er ánægður með skriðið sem liðið er á.
„Eins og allir vita erum við búin að vera að reyna að pússla saman liði á þessu tímabili. Margir búnir að detta úr hjá okkur og það tekur tíma að búa til lið. Við erum allavegana búin að vera á góðri siglingu eftir landsleikjafrí.“
Nánar er rætt við Úlf í sjónvarpinu hér að ofan.
Athugasemdir
