banner
   fim 24. ágúst 2017 07:00
Guðmundur Aðalsteinn Ásgeirsson
Jörgen þjálfar Fjarðabyggð/Hött/Leikni út tímabilið
Jörgen Sveinn Þorvarðarson.
Jörgen Sveinn Þorvarðarson.
Mynd: Fótbolti.net - Hafliði Breiðfjörð
Jörgen Sveinn Þorvarðarson tekur við þjálfun kvennaliðs Fjarðabyggðar/Hattar/Leiknis út þessa leiktíð.

Þetta kemur fram hjá Austurfrétt.is í gærkvöldi.

Sara Atladóttir, þjálfari liðsins, fór fyrr í fæðingarorlof en áætlað var og Jörgen mun þjálfa liðið í hennar stað.

Jörgen Sveinn, sem er 29 ára gamall, á að baki yfir 80 leiki með Hetti, Huginn og Spyrni á árunum 2003-2013. Þetta verður í fyrsta skipti sem hann þjálfar meistaraflokk.

Sara Atladóttir hefur stýrt liðinu í sumar, en hún á að eiga sitt fyrsta barn á næstu vikum. Hún ætlaði sér að klára tímabilið en eftir læknisskoðun í síðustu viku varð ljóst að það gengi ekki eftir. Hennar síðasti leikur var markalaust jafntefli gegn Einherja á föstudagskvöld.

Fjarðab/Höttur/Leiknir er í 2. deild kvenna. Þær eiga þrjá leiki eftir, en þær eru í sjöunda sæti af níu liðum. Þær eru með 15 stig.
Athugasemdir
banner
banner
banner