Alfreð Finnbogason skoraði öll mörk Augsburg í 3-0 heimasigri liðsins á Köln í þýsku Bundesligunni í dag.

Fyrsta markið skoraði Alfreð með góðum skalla og mark númer tvö skoraði hann úr vítaspyrnu. Hann fullkomnaði svo þrennuna í uppbótartíma og gulltryggði góðan sigur Augsburg.

Alfreð er þá kominn með fjögur mörk í Bundesligunni á þessu tímabili og er að byrja tímabilið mjög vel hjá Augsburg. Þetta var fyrsti sigurleikur Augsburg á þessu tímabili en þeir höfðu aðeins fengið eitt stig úr fyrstu tveimur leikjum sínum á tímabilinu.

Borussia Dortmund gerði markalaust jafntefli við Freiburg á útivelli en þeir eru komnir tímabundið á topp deildarinnar en Bayern getur endurheimt toppsætið seinna í dag þegar þeir spila við Hoffenheim.