banner
   fim 14. september 2017 09:20
Guðmundur Aðalsteinn Ásgeirsson
Higuain sleppur væntanlega við refsingu
Higuain gaf stuðningsmönnum Barcelona fingurinn.
Higuain gaf stuðningsmönnum Barcelona fingurinn.
Mynd: Getty Images
Argentíski sóknarmaðurinn Gonzalo Higuain mun væntanlega sleppa við refsingu frá UEFA eftir hegðun sína í leik Juventus gegn Barcelona í Meistaradeild Evrópu á þriðjudaginn síðasta.

Higuain var tekinn af velli undir lok leiksins, sem Juventus tapaði 3-0.

Hann var ekkert sérlega ánægður með það, en hann fékk að heyra það frá stuðningsmönnum Barcelona. Higuain, sem er fyrrum leikmaður Real Madrid, brást illa við því.

Hann hrópaði blótsyrðum í átt að stuðningsmönnum Barcelona áður en hann sendi þeim fingurinn.

Talið var að UEFA myndi skoða málið, en samkvæmt Goal.com ætla þeir ekki að gera það. Higuain sleppur líklega í þetta skiptið.
Athugasemdir
banner
banner
banner